കോഴഞ്ചേരി: തെക്കേമലയിൽ വാഹന ഷോറൂമിൽ തീപിടുത്തം. ദുരന്തം ഒഴിവായത് തലനാരിഴയ്ക്ക്. തെക്കേമല – മാവേലിക്കര റോഡിൽ തെക്കേമല ജംഗ്ഷന് സമീപമുള്ള ഐഷറിൻ്റെ ഷോറൂമിൽ ഇന്ന് രാവിലെ ആണ് തീപിടുത്തം ഉണ്ടായത്. നിർത്തിയിട്ടിരുന്ന ലോറിയിൽ നിന്ന് തീയും പുകയും ഉയരുന്നത് ശ്രദ്ധയിൽപെട്ട ജീവനക്കാർ ഏറെ നേരം തീ കെടുത്താൻ ശ്രമം നടത്തിയെങ്കിലും തീ ആളിപ്പടരുകയായിരുന്നു.
തുടർന്ന് പത്തനംതിട്ടയിൽ നിന്ന് ഫയർ ഫോഴ്സ് യൂണിറ്റ് എത്തിയാണ് തീ നിയന്ത്രണ വിധേയമാക്കിയത്. കൂടുതൽ വാഹനങ്ങളിലേക്ക് തീ പടരാതിരുന്നതിനാൽ വൻ ദുരന്തം ഒഴിവായി.
