തിരുവല്ല: ഫിഷറീസ് വകുപ്പ് – പെരിങ്ങര ഗ്രാമപഞ്ചായത്ത് സംയുക്ത സഹകരണത്തോടെ മത്സ്യകുഞ്ഞുങ്ങളെ കുളത്തിൽ നിക്ഷേപിച്ചു. മത്സ്യലഭ്യത ഉറപ്പുവരുത്തുന്നതിൻ്റെ ഭാഗമായി കാർപ്പ് ഇനത്തിൽപ്പെട്ട മത്സ്യക്കുഞ്ഞുങ്ങളെയാണ് ചാത്തങ്കരി സ്‌കൂളിലുള്ള പൊതുകുളത്തിൽ നിക്ഷേപിച്ചത്.
പെരിങ്ങര ഗ്രാമ പഞ്ചായത്ത് വൈസ് പ്രസിഡൻ്റ് ആനി എബ്രഹാം, വാർഡ് മെമ്പർമാർ വിപിൻ ജോർജ് ജോൺ, ശ്രീ ജിത്ത്, തിരുവല്ല മത്സ്യഭവൻ ഓഫീസർ ടെസ്സി കെ എസ്, മത്സ്യഭവൻ സ്റ്റാഫ് രേഷ്‌മ, അനിത, സ്കൂൾ പ്രതിനിധികൾ എന്നിവർ ചടങ്ങിൽ പങ്കെടുത്തു.
