ടിപ്പറും ഓട്ടോയും കൂട്ടിയിടിച്ച് അഞ്ച് വയസുകാരന് ദാരുണാന്ത്യം

പത്തനംതിട്ട: ഏനാത്ത് തട്ടാരുപടിയിൽ ടിപ്പറും ഓട്ടോയും കൂട്ടിയിടിച്ച് അഞ്ച് വയസുകാരന് ദാരുണാന്ത്യം. യുകെജി വിദ്യാർത്ഥി അശ്വന്ത് വിനോദ് ആണ് മരിച്ചത്.

അപകടത്തിൽ  ഓട്ടോ ഡ്രൈവറായ അച്ഛൻ വിനോദിനെ ഗുരുതര പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. ഏനാത്ത് ഏഴംകുളം റോഡിലായിരുന്നു അപകടം. അപകടത്തിൽ ഓട്ടോറിക്ഷ പൂർണമായി തകർന്നു.