നേപ്പാളിൽ മിന്നൽപ്രളയത്തിൽ ഗ്രാമങ്ങൾ ഒലിച്ചുപോയി; 8 മരണം

കഠ്മണ്ഡു : നേപ്പാളിലെ ഭോട്ടെ കോശി നദിയിലുണ്ടായ ശക്തമായ മിന്നൽപ്രളയത്തിൽ എട്ട് പേർ മരിക്കുകയും 40 ഓളം സുരക്ഷാ ഉദ്യോഗസ്ഥരെ കാണാതാവുകയും ചെയ്തതായി റിപ്പോർട്ട് .ബുധനാഴ്ച രാവിലെ ഒൻപതോടെ ഭോട്ടെ കോശി നദിയിൽ പെട്ടെന്ന് വെള്ളം ഉയർന്നതോടെ മിന്നൽപ്രളയം സംഭവിക്കുകയായിരുന്നു. വടക്കൻ ജില്ലകളിൽ ഉണ്ടായ മിന്നൽപ്രളയത്തിൽ ഗ്രാമങ്ങളടക്കം ഒലിച്ചുപോയി. ഒട്ടേറെ വീടുകളും വാഹനങ്ങളും പാലങ്ങളും തകർന്നു.നദിയുടെ തീരങ്ങളിൽ താമസിക്കുന്ന ജനങ്ങളോട് ഉയർന്ന സ്ഥലങ്ങളിലേക്ക് മാറിത്താമസിക്കാനും ജാഗ്രത പാലിക്കാനും സർക്കാർ നിർദേശം നൽകിയിട്ടുണ്ട്.