തിരുവനന്തപുരം: ദേശീയ പണിമുടക്കില്‍ പങ്കെടുക്കുന്ന സര്‍ക്കാര്‍ ജീവനക്കാര്‍ക്ക് ഒരു ദിവസത്തെ ശബളം നഷ്ടമാകും. സര്‍ക്കാര്‍ ഡയസ്‌നോണ്‍ പ്രഖ്യാപിച്ച സാഹചര്യത്തിലാണിത്. ഇടത് മുന്നണി ഭരിക്കുന്ന കേരളത്തില്‍ സി ഐ ടി യു ഉള്‍പ്പെടെ പങ്കെടുക്കുന്ന പണിമുടക്കില്‍ ഡയസ്‌നോണ്‍ പ്രഖ്യാപിക്കുമോ എന്ന് രാഷ്‌ട്രീയ നിരീക്ഷകര്‍ ഉറ്റുനോക്കിയിരുന്നു.
എന്നാല്‍ കോടതി ഉത്തരവുളളതിനാല്‍ ഡയസ്‌നോണ്‍ പ്രഖ്യാപിക്കാന്‍ സംസ്ഥാന സര്‍ക്കാര്‍ നിര്‍ബന്ധിതമാകുകയായിരുന്നു. ജോലിക്കെത്തുന്നവരെ തടയരുതെന്ന നിര്‍ദ്ദേശവമുണ്ട്. ദേശീയ പണിമുടക്കെന്ന പേരില്‍ കേരളത്തില്‍ സി ഐ ടി യു, ഐ എന്‍ ടി യു സി സംഘടനകള്‍ വെവ്വേറെയാണ് പണിമുടക്കുന്നത്. കേരള എന്‍ ജി ഒ അസോസിയേഷന്‍ പണിമുടക്കില്‍ പങ്കെടുക്കും.
സെക്രട്ടേറിയറ്റ് ജീവനക്കാരുടെ കോണ്‍ഗ്രസ് അനുകൂല സംഘടനയും, കോണ്‍ഗ്രസ് അധ്യാപക സംഘടനയും പണിമുടക്കില്‍ പങ്കെടുക്കില്ല.
