പത്തനംതിട്ട : കുമ്പഴയിൽ ലോറി സ്‌കൂട്ടറിൽ ഇടിച്ച് വീട്ടമ്മയ്ക്ക് ദാരുണാന്ത്യം. കോന്നി പുളിമുക്ക് ഉഷാ സദനത്തിൽ ഉഷാകുമാരി (59) ആണ് മരിച്ചത്. ഇന്ന് രാവിലെ 6.40 ന് കുമ്പഴ ജംഗ്ഷനിൽ ആയിരുന്നു അപകടം.
മലയാലപ്പുഴ ദേവീ ക്ഷേത്രത്തിൽ ദർശനത്തിന് ശേഷം ഭർത്താവ് സുരേന്ദ്രന് ഒപ്പം സ്‌കൂട്ടറിൽ മടങ്ങുമ്പോഴായിരുന്നു അപകടം നടന്നത്. മലയാലപ്പുഴ റോഡിൽ നിന്ന് സംസ്ഥാന ഹൈവേയിലേക്ക് കടക്കുമ്പോൾ കോന്നി ഭാഗത്ത് നിന്ന് വന്ന ലോറി സ്‌കൂട്ടറിൽ ഇടിക്കുകയായിരുന്നു. അപകടത്തെ തുടർന്ന് റോഡിൽ തെറിച്ചു വീണ ഉഷാകുമാരിയുടെ ശരീരത്തിലൂടെ ലോറി കയറി ഇറങ്ങിയതായി ദൃക്സാക്ഷികൾ പൊലീസിനോട് പറഞ്ഞു.
സംഭവ സ്ഥലത്ത് വച്ചു തന്നെ ഉഷാകുമാരി മരിച്ചു. ഇരുവരും ഹെൽമറ്റ് ധരിച്ചിരുന്നു. സുരേന്ദ്രൻ്റെ പരുക്ക് ഗുരുതരമല്ല. ഉഷാകുമാരിയുടെ മൃതദേഹം പോസ്റ്റ്മോർട്ടത്തിനായി കൊണ്ടുപോയി. പത്തനംതിട്ട പൊലീസ് സ്ഥലത്ത് എത്തി മേൽ നടപടി സ്വീകരിച്ചു.
 ആണ് മരിച്ചത്.){kind=link}