തൃശ്ശൂർ : തൃശൂരിൽ ഭാര്യയേയും മകനേയും കഴുത്തറുത്ത് കൊന്ന ശേഷം യുവാവ് ആത്മഹത്യക്ക് ശ്രമിച്ചു .തൃശൂര്‍ വലപ്പാട് ഇന്ന് പുലര്‍ച്ചെ ഒന്നരയോടെയാണ് കൊലപാതകം നടന്നത്. ഭാര്യ വിസ്മയ (30), മകന്‍ ദക്ഷിൻ (4) എന്നിവരെ കൊലപ്പെടുത്തിയ ശേഷം ഭര്‍ത്താവ് വിജേഷ് സ്വയം കഴുത്ത് മുറിച്ചു ജീവനൊടുക്കാൻ ശ്രമിക്കുകയായിരുന്നു .
വിസ്മയയുടെ കരച്ചില്‍ കേട്ടെത്തിയ സഹോദരന്‍ മുറിയുടെ വാതില്‍ ചവിട്ടിപ്പൊളിച്ച് അകത്ത് കടന്നപ്പോഴാണ് കഴുത്തറുത്ത നിലയില്‍ കണ്ടെത്തിയത്.അമ്മയേയും കുഞ്ഞിനേയും ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.ഗുരുതരാവസ്ഥയിലായ വിജേഷിനെ തൃശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. കുടുംബവഴക്കാണ് കാരണമെന്നാണ് പൊലീസിന്റെ പ്രാഥമിക നിഗമനം.
