പാരിസിൽ ഇന്ത്യയ്ക്ക് മൂന്നാം മെഡൽ

പാരീസ് : ഒളിംപിക്സിൽ ഷൂട്ടിങ്ങിൽ ഇന്ത്യയ്ക്ക് വീണ്ടും വെങ്കല മെഡൽ.50 മീറ്റർ റൈഫിൾ 3 പൊസിഷൻസിൽ സ്വപ്നിൽ കുസാലെയാണ് വെങ്കല മെഡൽ നേടിയത്. ഒരു ഘട്ടത്തിൽ ആറാം സ്ഥാനത്തായിരുന്ന കുസാലെ 451.4 എന്ന സ്‌കോറിലൂടെ മൂന്നാം സ്ഥാനത്തെത്തി.വനിതകളുടെ 10 മീറ്റർ എയർ പിസ്റ്റളിൽ മനു ഭാക്കറും മിക്സഡ് ടീം 10 മീറ്റർ എയർ പിസ്റ്റളിൽ മനു ഭാക്കർ -സരബ്ജോത് സിങ് ടീമും നേടിയ വെങ്കല മെഡലുകൾക്ക് പിന്നാലെയാണ് 28-കാരനായ സ്വപ്നിൽ കുസാലെയുടെയും മെഡൽ നേട്ടം .