ന്യൂഡൽഹി: വഖഫ് ഭേദഗദി ബില്ലിന് സംയുക്ത പാർലമെന്ററി സമിതിയുടെ അംഗീകാരം. പ്രതിപക്ഷം നിർദേശിച്ച ഭേദഗതികളെല്ലാം വോട്ടിനിട്ട് തള്ളി. വഖഫ് ബില്ലിനെ അനുകൂലിച്ച് 16 എംപിമാർ വോട്ടുരേഖപ്പെടുത്തിയപ്പോൾ 10 എംപിമാർ എതിർത്തു. 44 ഭേദഗതികളാണ് ആകെ നിർദേശിച്ചത്. ഭരണപക്ഷം നിർദേശിച്ച 14 ഭേദഗതികളോടെ ബില്ലിൽ റിപ്പോർട്ട് നൽകുമെന്ന് ജെപിസിസി ചെയർമാൻ ജംഗദംബിക പാൽ അറിയിച്ചു.
കഴിഞ്ഞ വർഷമാണ് ലോക്സഭയിൽ കേന്ദ്ര പാർലമെന്ററികാര്യ മന്ത്രി കിരൺ റിജിജു വഖഫ് ഭേദഗതി ബിൽ അവതരിപ്പിച്ചത്. പ്രതിപക്ഷം എതിർപ്പ് ഉന്നയിച്ച സാഹചര്യത്തിൽ ബിൽ പരിഗണിക്കാൻ സംയുക്ത പാർലമെന്ററി സമിതിക്ക് കൈമാറി. ഫെബ്രുവരി 13നകം റിപ്പോര്ട്ട് സമര്പ്പിക്കാനാണ് ജെപിസിയോട് ആവശ്യപ്പെട്ടിരുന്നത്.
