തിരുവല്ല: കേരള ക്ഷേത്ര സംരക്ഷണ സമിതിയുടെ ശ്രീരാമരഥഘോഷയാത്ര 15ന് നടക്കും. വിവിധ ക്ഷേത്ര കമ്മിറ്റികൾ, ഹൈന്ദവ സംഘടകൾ എന്നിവരുടെ നേതൃത്വത്തിലാണ് പരിപാടി സംഘടിപ്പിക്കുന്നത്. 15 ന് വൈകിട്ട് 4ന് കാവുംഭാഗം ദേവസ്വം ബോർഡ് ഹയർ സെക്കൻഡറി സ്കൂളിന് മുൻപിൽ നിന്നും ആരംഭിക്കുന്ന ഘോഷയാത്ര പൊടിയാടി ധർമശാസ്താ ക്ഷേത്രത്തിൽ സമാപിക്കും.
തുടർന്നു നടക്കുന്ന സമ്മേളനത്തിൽ തിരുവല്ല ശ്രീരാമകൃഷ്ണാശ്രമം മഠാധിപതി സ്വാമി നിർവിണാനന്ദ, പുരുഷോത്തമാനന്ദ ആശ്രമം മഠാധിപതി പൂർണ ചൈതന്യ, ഈശ്വരീയ വിശ്വവിദ്യാലയം മഠാധിപതി സുജാ ബഹൻ, തന്ത്രി അക്കീരമൺ കാളിദാസ ഭട്ടതിരി, ശ്രീധരൻ നമ്പൂതിരി എന്നിവർ ചേർന്ന് ഭദ്രദീപം തെളിയിക്കും. ചടങ്ങിൽ സുഭാഷ് ഹരിപ്പാട് അധ്യക്ഷത വഹിക്കും. കവി സാമുവൽ കൂടൽ മുഖ്യാതിഥിയാകും.
