കൊച്ചി:ആലുവ റെയിൽവേ സ്റ്റേഷൻ പരിസരത്തു നിന്നു 3 യുവാക്കളെ കാറിൽ തട്ടിക്കൊണ്ടുപോയ കേസില്‍ രണ്ടുപേരെ തൃശൂരില്‍ നിന്നും പൊലീസ് കസ്റ്റഡിയില്‍ എടുത്തു.ഇവരെ ചോദ്യം ചെയ്ത് വരികയാണ്.കാര്‍ വാടകയ്ക്കെടുത്തു നല്‍കിയവരാണ് പിടിയിലായത്.
ഞായറാഴ്ച രാവിലെ 7.10നാണ് ആലുവ റെയിൽവേ സ്റ്റേഷൻ പരിസരത്തുനിനും മൂന്നു യുവാക്കളെ തട്ടിക്കൊണ്ടു പോയതായി ദൃക്‌സാക്ഷികള്‍ പോലീസിനെ അറിയിച്ചത്. തട്ടിക്കൊണ്ടുപോകലിന് ഉപയോഗിച്ച കാർ തിരുവനന്തപുരം കണിയാപുരത്ത് ഉപേക്ഷിച്ച നിലയിൽ കണ്ടെത്തിയിരുന്നു.സംഭവത്തിന് പിന്നില്‍ സാമ്പത്തിക ഇടപാടാണെന്നാണ് പോലീസ് നിഗമനം.
