കോഴിക്കോട് : മദ്യപാനം ചോദ്യംചെയ്‌തതിന്റെ പകയിൽ മകനെ അച്ഛൻ കുത്തിക്കൊന്നു.കോഴിക്കോട് കൂടരഞ്ഞി പൂവ്വാറൻതോടിൽ ഇന്നലെ അർധരാത്രി കഴിഞ്ഞായിരുന്നു സംഭവം.ചെരിയംപുറത്ത് ബിജു ആണ് മകൻ ക്രിസ്റ്റി ജേക്കബിനെ (24) കുത്തിക്കൊന്നത്.
സ്ഥിരമായി മദ്യപിച്ച് ബഹളമുണ്ടാക്കുന്ന ബിജു ബന്ധുവീട്ടിൽ പോയി പ്രശ്നമുണ്ടാക്കിയിരുന്നു. ഇതിനെ തുടർന്നുണ്ടായ വഴക്കാണ് കൊലപാതകത്തിലേക്ക് എത്തിയത്.ഉറങ്ങിക്കിടന്ന ക്രിസ്റ്റിയുടെ നെഞ്ചിൽ ബിജു കത്തികൊണ്ട് കുത്തുകയായിരുന്നു. സംഭവസ്ഥത്തുവെച്ചുതന്നെ ക്രിസ്റ്റി മരിച്ചു.പ്രതിയെ തിരുവമ്പാടി പൊലീസിന്റെ കസ്റ്റഡിയിലെടുത്തു
