എടത്വ: പടഹാരം പാലത്തിലൂടെ കെഎസ്ആർടിസി സർവീസ് അനുവദിച്ചതായി റെജി ചെറിയാൻ എംഎൽഎ അറിയിച്ചു. ആലപ്പുഴ ഡിപ്പോയിൽ നിന്നു പൂപ്പള്ളി- ചമ്പക്കുളം- പടഹാരം -തകഴി വഴി തിരുവല്ലയിലേക്കാണു സർവീസ്.
തകഴി – നെടുമുടി പഞ്ചായത്തുകളെ ബന്ധിപ്പിക്കുന്ന പടഹാരം പാലം പൂർത്തീകരിച്ചു ഗതാഗതത്തിനു തുറന്നു കൊടുത്തിട്ടും പൊതുഗതാഗത സംവിധാനം ഇല്ലാതിരുന്നത് പൊതുജനങ്ങൾക്കു പ്രയോജനം ലഭിച്ചിരുന്നില്ല.
ഗതാഗത മന്ത്രിയുമായി നടത്തിയ ചർച്ചയിൽ വരും ദിവസങ്ങളിൽ എടത്വ, ചങ്ങനാശേരി ഡിപ്പോകളിൽ നിന്നും ബസ് സർവീസ് ആരംഭിക്കുന്ന കാര്യം പരിഗണിക്കുമെന്ന് ഉറപ്പു ലഭിച്ചതായും എംഎൽഎ വ്യക്തമാക്കി.
