കുവൈറ്റ് സിറ്റി:കുവൈറ്റിലെ ലേബർ ക്യാംപിലെ തീപിടിത്തം വൈദ്യുതി ഷോർട്ട് സർക്യൂട്ട് കാരണമാണെന്നു സ്ഥിതീകരിച്ച് കുവൈത്ത് ഫയർഫോഴ്‌സ്.സാങ്കേതിക പരിശോധനയും അന്വേഷണവും പൂർത്തിയായതിന് പിന്നാലെയാണ് ഫയർഫോഴ്‌സിന്റെ സ്ഥിതീകരണം. സെക്യൂരിറ്റി ജീവനക്കാരന്റെ മുറിയിൽ സൂക്ഷിച്ച പാചകവാതക സിലണ്ടർ ചോർന്നാണു തീപിടിത്തമുണ്ടായതെന്നായിരുന്നു ആദ്യ റിപ്പോർട്ടുകൾ.
താഴത്തെ നിലയിലെ ഗാർഡ് റൂമിലാണ് തീപിടിത്തമുണ്ടായത്.ഫ്ലാറ്റിനുള്ളിൽ മുറികൾ തിരിക്കാനായി ഉപയോഗിച്ചിരുന്ന സാമഗ്രികൾ അതിവേഗം തീ പടരാൻ ഇടയാക്കിയതായി അധികൃതർ പറഞ്ഞു.മരണമേറെയും സംഭവിച്ചത് പുക ശ്വസിച്ചാണെന്ന് കമ്പനി അറിയിച്ചു .
