കൊച്ചി : മാസപ്പടി കേസിൽ ശശിധരൻ കർത്തയുടെ മകൾ ഷിബി എസ് കർത്തയെ ഇഡി ചോദ്യം ചെയ്യുന്നു.കൊച്ചിയിലെ ഇഡി ഓഫീസിലാണ് ചോദ്യം ചെയ്യൽ നടക്കുന്നത് .സിഎംആര്‍എൽ കമ്പനിയുടെ സഹോദര സ്ഥാപനമായ നിപുണ ഇന്റർനാഷണൽ പ്രൈവറ്റ് ലിമിറ്റഡിന്റെ ഡയറക്ടറാണ് ഷിബി എസ്.കർത്ത.സിഎംആർഎല്ലിന്റെ ചരക്ക് ഗതാഗതത്തിനായി വാഹനങ്ങൾ വാടകയ്‌ക്ക് നൽകിയിരുന്നത് നിപുണ ഇന്റർനാഷണലാണ്.
കളമശേരിയിലുള്ള നിപുണ ഇന്റര്‍നാഷണൽ പ്രൈ. ലിമിറ്റഡിൽ ഇ.ഡി റെയ്ഡ് നടത്തിയിരുന്നു .അന്വേഷണത്തിന്റെ ഭാഗമായി ചോദ്യം ചെയ്യലിന് ഹാജരാകാൻ ശശിധരൻ കർത്തയുടെ മകന്‍ ശരൺ എസ്.കർത്തയ്ക്കും ഇ.ഡി നോട്ടീസ് നൽകിയിട്ടുണ്ട്.
