മലപ്പുറം : എടപ്പാളിൽ ഭിന്നശേഷിക്കാരിയായ മകളെ വെള്ളത്തിൽ മുക്കി കൊലപ്പെടുത്തിയ ശേഷം അമ്മ ആത്മഹത്യ ചെയ്തു.എടപ്പാൾ മാണൂർ പുതുക്കുടി ഹൗസിൽ അനിതകുമാരി (58),സെറിബ്രൽ പൾസി ബാധിച്ച മകൾ അഞ്ജന (33) എന്നിവരാണ് മരിച്ചത്.രാവിലെ എട്ട് മണിയോടെയാണ് സംഭവം.
മകളെ വീപ്പയിലെ വെള്ളത്തിൽ മുക്കി കൊലപ്പെടുത്തിയ ശേഷം അനിതകുമാരി വീടിന് പുറത്തെ മരത്തിൽ തൂങ്ങി മരിക്കുകയായിരുന്നു .അനിതാകുമാരിയുടെ ഭർത്താവ് ഒരു മാസം മുമ്പ് മരിച്ചിരുന്നു.മകൻ ജോലിയ്ക്ക് പോയ സമയത്താണ് സംഭവം.കുറ്റിപ്പുറം പൊലീസ് അന്വേഷണം ആരംഭിച്ചു.
