തിരുവല്ല : പെരിങ്ങര ഗ്രാമ പഞ്ചായത്തിന്റെയും കൃഷിഭവന്റെയും നേതൃതത്തിൽ ഞാറ്റുവേല ചന്തയും കർഷക സഭയും നടത്തി. വൈസ് പ്രസിഡണ്ട് ഷീന മാത്യുവിന്റെ അധ്യക്ഷതയിൽ കൂടിയ യോഗത്തിൽ ഗ്രാമപഞ്ചായത്ത് പ്രസിഡണ്ട് എബ്രഹാം തോമസ് ഞാറ്റുവേല ചന്തയുടെയും കർഷക സഭയുടെയും ഉദ്ഘാടനകർമ്മം നിർവഹിച്ചു. കർഷകർക്ക് വിത്തുകളും, പച്ചക്കറി തൈകളും, ജൈവ ഉൽപ്പന്നങ്ങളും വിതരണം ചെയ്തു.
ബ്ലോക്ക് പഞ്ചായത്ത് അംഗങ്ങളായ സോമൻ താമരച്ചാലിൽ, അനൂ സി കെ, അരുന്ധതി അശോകൻ , സ്റ്റാൻഡിങ് കമ്മിറ്റി ചെയർമാൻമാരായ റിക്കു മോനിവർഗീസ്, ടിവി വിഷ്ണു നമ്പൂതിരി, ഗ്രാമപഞ്ചായത്ത് അംഗങ്ങളായ സുഭദ്ര രാജൻ, ചന്ദ്രു എസ് കുമാർ, സനിൽകുമാരി, ശർമിള സുനിൽ, മാത്തൻ ജോസഫ്, കൃഷി ഓഫീസർ അഞ്ചു മറിയം ജോസഫ്, ഷിനോജ്,അസിസ്റ്റന്റ് കൃഷി ഓഫീസർ പ്രേംകുമാരി ആത്മ ഉദ്യോഗസ്ഥ അമ്പിളി എന്നിവർ പ്രസംഗിച്ചു
