തിരുവല്ല: നിരണം സെൻട്രൽ സെന്റ് ജോസഫ് മലങ്കര കത്തോലിക്കാ ദൈവാലയത്തിൽ വി. യൗസേപ്പിതാവിന്റെ തിരുനാളിന് കൊടിയേറി. കൊടിയേറ്റ് കർമ്മം വികാരി ഫാ. മാത്യു പൊട്ടുകുളത്തിൽ നിർവഹിച്ചു.
ഏപ്രിൽ 30ന് വൈകിട്ട് 6-ന് തിരുനാൾ റാസ മാന്നാർ വെസ്റ്റ് സെന്റ് കാതറിൻ മലങ്കര കത്തോലിക്ക ദൈവാലയത്തിൽ നിന്നും ആരംഭിക്കും.
മെയ്‌ 1 ന് രാവിലെ 9-ന് തിരുനാൾ കുർബാനയ്ക്ക് തിരുവല്ല അതിരൂപത വികാരി ജനറാൾ മോൺ ഐസക് പറപ്പള്ളിൽ മുഖ്യ കാർമികത്വം വഹിക്കും. കുർബാനയ്ക്ക് ശേഷം റാസ, നവീകരിച്ച സെമിത്തേരിയുടെ കൂദാശ, കൊടിയിറക്ക്, നേർച്ച സദ്യ എന്നിവയും നടക്കും.
