Sunday, November 22, 2026
No menu items!

subscribe-youtube-channel

Homeബിലീവേഴ്സ് ആശുപത്രി...

ബിലീവേഴ്സ് ആശുപത്രി ജെറിയാട്രിക്സ് വിഭാഗത്തിൽ ഓണ സംഗമം

തിരുവല്ല : വാർദ്ധക്യത്തിന്റെ നാളുകളിൽ കരുതലിന്റെയും ആശ്വാസത്തിന്റെയും തണലുതേടുന്ന മുതിർന്ന പൗരന്മാർക്കായി ജെറിയാട്രിക്സ് വിഭാഗത്തിൽ ഓണ സംഗമവും ഓണവിരുന്നും ഒരുക്കി. ആശുപത്രി ഇടനാഴികളിൽ ഒത്തൊരുമയുടെയും സ്നേഹത്തിന്റെയും സുന്ദരനിമിഷങ്ങൾ സൃഷ്ടിച്ച ഓണാഘോഷത്തിൽ, 35 ഓളം വരുന്ന മുതിർന്ന പൗരന്മാർക്കൊപ്പം ബിലീവേഴ്സ് ആശുപത്രി അധികൃതരും  ജെറിയാട്രിക്സ് വിഭാഗം ഡോക്‌ടർമാരും ജീവനക്കാരും പങ്കെടുത്തു.

ഡയറക്ടറും സി ഇ ഒ യുമായ ഡോ. ജോർജ് ചാണ്ടി മറ്റീത്ര, അസോസിയേറ്റ് ഡയറക്ടർ  സണ്ണി കുരുവിള, മെഡിക്കൽ സൂപ്രണ്ട് ഡോ. ഏബൽ കെ. സാമുവൽ, ക്രിട്ടിക്കൽ കെയർ മേധാവി ഡോ. ഫിലിപ്പ് മാത്യു എന്നിവർ ചേർന്ന് ഭദ്രദീപം തെളിയിച്ചതോടെ ചടങ്ങിന് തുടക്കമായി. സന്തോഷങ്ങൾ പങ്കുവെക്കുന്നതിനൊപ്പം, മുതിർന്നവരുടെ ശാരീരിക-മാനസിക ആരോഗ്യ സുരക്ഷ ഉറപ്പാക്കുന്ന പ്രയോജനപ്രദമായ ആശയവിനിമയങ്ങളും ഓണസംഗമത്തിൽ പ്രാധാന്യം നൽകി.

വാർദ്ധക്യകാലത്ത് മനസ്സിന്റെ ഉന്മേഷവും ഓർമ്മശക്തിയും കാത്തുസൂക്ഷിക്കേണ്ടതിന്റെ ആവശ്യകതയെക്കുറിച്ചും, മറവിരോഗത്തെ ചെറുത്തുതോൽപ്പിക്കാനുള്ള മാർഗ്ഗങ്ങളെക്കുറിച്ചും ജെറിയാട്രിക്സ് കൺസൾട്ടന്റ് ഡോ. അലീഷ എസ്. തോമസ് സംസാരിച്ചു. ഓണസംഗമത്തോടനുബന്ധിച്ച് സംഘടിപ്പിച്ച വിവിധ കലാ കായിക വിനോദ പരിപാടികളിൽ രോഗികളും അവരുടെ കുടുംബാംഗങ്ങളും കെയർ ടേക്കർമാരും സജീവമായി പങ്കെടുത്തു. 

- Advertisment -

RELATED ARTICLES
Advertisment

Desham News

- Advertisement -

കനത്ത മഴ: പലയിടങ്ങളിലും മതിൽക്കെട്ട് ഇടിഞ്ഞു വീണു

തിരുവല്ല : കനത്ത മഴയെ തുടർന്ന് തിരുവല്ലായിൽ പലയിടങ്ങളിലും മതിൽക്കെട്ട് ഇടിഞ്ഞുവീണു. ഇന്ന് ഉച്ച കഴിഞ്ഞ്  3 മണിക്ക് തുടങ്ങിയ കനത്ത മഴ വൈകിട്ട് 7 വരെ പെയ്തു. മഴയിൽ നഗരത്തിലേയും  സമീപ...

ആലപ്പുഴയിൽ റെയിൽവേ ട്രാക്കിലേക്ക് മരം വീണ് ഗതാഗതം സ്‌തംഭിച്ചു

ആലപ്പുഴ : ആലപ്പുഴ - എറണാകുളം തീരദേശ റെയിൽപാതയിൽ പാതിരപ്പള്ളി ഉദയ ഗേറ്റിനു സമീപം ട്രാക്കിലേക്ക് തെങ്ങ് വീണു. എട്ടുമണിയോട് കൂടിയാണ് ട്രാക്കിലേക്ക് മരം വീണത്. തുടര്‍ന്ന് കോഴിക്കോട് ജനജനശതാബ്ദി, എറണാകുളം പാസഞ്ചർ...
- Advertisment -

Most Popular

- Advertisement -