അടൂർ : ലൈഫ് ലൈൻ മൾട്ടിസ്പെഷ്യാലിറ്റി ഹോസ്പിറ്റലിൽ നടക്കുന്ന ലോക ഫാർമസിസ്റ്റ് ദിനാചരണം സെപ്റ്റംബർ 25-ന് രാവിലെ 11 മണിക്ക് പ്രശസ്ത നോവലിസ്റ്റ് ബെന്യാമിൻ ഉദ്ഘാടനം ചെയ്യും. ലൈഫ് ലൈൻ ഹോസ്പിറ്റലിന്റെ ചെയർമാനും മാനേജിങ് ഡയറക്ടറുമായ ഡോ. എസ്. പാപ്പച്ചൻ അധ്യക്ഷത വഹിക്കും.
ആരോഗ്യകരമായ ഭാവിക്കായി ഫാർമസിസ്റ്റുമാരെ ശാക്തീകരിക്കുക എന്നതാണ് ഈ വർഷത്തെ ലോക ഫാർമസിസ്റ്റ് ദിനത്തിന്റെ പ്രമേയം. പത്തനംതിട്ട ഡ്രഗ് ഇൻസ്പെക്ടർ ശരത് കുമാർ എസ്. ലോക ഫാർമസിസ്റ്റ് ദിനത്തിന്റെ പ്രാധാന്യവും ഈ വർഷത്തെ പ്രമേയവും അവതരിപ്പിക്കും.
ആരോഗ്യരംഗത്ത് മരുന്നുകളുടെ സുരക്ഷിതവും ഫലപ്രദവുമായ ഉപയോഗം ഉറപ്പാക്കുന്നതിൽ ഫാർമസിസ്റ്റുമാർ വഹിക്കുന്ന നിർണായക പങ്ക് സമൂഹത്തിന് മുന്നിൽ ഉയർത്തിക്കാട്ടുന്നതിനും അവരുടെ സേവനങ്ങളെ ആദരിക്കുന്നതിനുമാണ് ലോക ഫാർമസിസ്റ്റ് ദിനാചരണം സംഘടിപ്പിക്കുന്നത്.
