കോട്ടയം: ഇത്തിത്താനം പാർത്ഥസാരഥി കളരി സംഘം നടത്തിയ കച്ചകെട്ട് മഹോത്സവം ചങ്ങനാശ്ശേരി നഗരസഭ കൗൺസിലർ എൻ പി കൃഷ്ണകുമാർ ഉദ്ഘാടനം ചെയ്തു. കുറിച്ചി ഗ്രാമ പഞ്ചായത്ത് അംഗം പ്രമീള മുഖ്യപ്രഭാഷണം നടത്തി. കേരള കോൺഗ്രസ് ഉന്നതാധികാര സമിതി അംഗം വി.ജെ ലാലി കളരി പഠനത്തിന്റെ ഗുണവശങ്ങൾ വിശദീകരിച്ചു.
കളരി സംഘത്തിന്റെ ആദരവ് സുജാത ഏറ്റുവാങ്ങി. ചെറുപാറക്കാവ് ദേവസ്വം സെക്രട്ടറി രാജീവ്, പത്മകുമാർ ഇത്തിത്താനം, കളരി സംഘം രക്ഷാധികാരി പ്രസന്നകുമാർ ആനാരിൽ , വിജയകുമാർ ഗുരുക്കൾ, എസ് എൻ.ഡി.പി യോഗം ചങ്ങനാശ്ശേരി വൈസ് പ്രസിഡന്റ് തുടങ്ങിയവർ പങ്കെടുത്തു.
