ഇടുക്കിയിൽ സ്‌കൂള്‍ ബസ് ദേഹത്തുകയറി പ്ലേ സ്‌കൂള്‍ വിദ്യാര്‍ഥിക്ക് ദാരുണാന്ത്യം

ഇടുക്കി : പിന്നോട്ടെടുത്ത സ്‌കൂള്‍ ബസ് ദേഹത്തുകയറി പ്ലേ സ്‌കൂള്‍ വിദ്യാര്‍ഥിക്ക് ദാരുണാന്ത്യം .ചെറുതോണി വാഴത്തോപ്പ് ഗിരിജ്യോതി പബ്ലിക്ക് സ്കൂളിലെ പ്ലേ സ്കൂൾ വിദ്യാർഥിയായ ഹെയ്സൽ ബെൻ (4) ആണ് മരിച്ചത്.സ്‌കൂള്‍ മുറ്റത്ത് കുട്ടികളെ ഇറക്കിയ ശേഷം സ്‌കൂള്‍ ബസ് പിന്നോട്ട് എടുക്കുന്നതിനിടെയാണ് അപകടം.കുട്ടികൾ ക്ലാസിൽ കയറാനായി ബസിനു പിന്നിലൂടെ നടക്കുകയായിരുന്നു. ബസ് കുട്ടിയുടെ ശരീരത്തിൽ കൂടി കയറി ഇറങ്ങുകയായിരുന്നു. ഒപ്പം ഉണ്ടായിരുന്ന മറ്റൊരു കുട്ടിയ്ക്ക് ഗുരുതരമായി പരുക്കേറ്റു.