തിരുവനന്തപുരം : രണ്ടാം വർഷ ഹയർസെക്കൻഡറി, വൊക്കേഷണൽ ഹയർസെക്കൻഡറി പരീക്ഷകളുടെ ഫലം പ്രഖ്യാപിച്ചു.77.81 ആണ് വിജയശതമാനം. പരീക്ഷയെഴുതിയ 370642 കുട്ടികളിൽ 288394 പേര്‍ ഉപരിപഠനത്തിന് യോഗ്യരായി. സയൻസ് ഗ്രൂപ്പിൽ 83.25 ,ഹ്യുമാനിറ്റീസിൽ 69.16, കൊമേഴ്സിൽ 74.21 എന്നിങ്ങനെയാണ് വിജയശതമാനം. 30145 വിദ്യാര്‍ത്ഥികള്‍ മുഴുവന്‍ വിഷയങ്ങളിലും എപ്ലസ് നേടി. ജൂൺ 21 മുതൽ സേ പരീക്ഷ ആരംഭിക്കും.
വിഎച്ച്എസ്ഇക്ക് 70.6 ശതമാനമാണ് വിജയം. 26178 വിദ്യാര്‍ഥികള്‍ പരീക്ഷ എഴുതിയതില്‍ 18340 പേര്‍ ഉപരിപഠനത്തിന് യോഗ്യരായി.
