തിരുവനന്തപുരം : എസ്എടി ആശുപത്രിയിലെ വൈദ്യുതി തകരാറിനെക്കുറിച്ച് അന്വേഷണത്തിന് ഉത്തരവിട്ട് ആരോഗ്യമന്ത്രി വീണ ജോർജ്.ഇന്നലെ രാത്രിയിൽ അത്യാഹിത വിഭാഗം ബ്ലോക്കിലാണ് വൈദ്യുതി മുടങ്ങിയത്.മൂന്ന് മണിക്കൂറാണ് അമ്മമാരും കുഞ്ഞുങ്ങളും ഇരുട്ടിൽ കഴിഞ്ഞത്.ട്രാൻസ്ഫോർമറിലെ ബ്രേക്കറുകൾ തകരാറിലായതായിരുന്നു പ്രതിസന്ധിക്ക് കാരണം.വൈദ്യുതി മുടങ്ങിയതോടെ പുറത്തു നിന്ന് എത്തിച്ച ജനറേറ്ററിന്റെ സഹായത്താലാണ് ആശുപത്രി പ്രവർത്തിച്ചിരുന്നത്.
ആശുപത്രിയിലെ പിഡബ്ല്യൂഡി ഇലക്ട്രിക്കൽ വിഭാഗത്തിന്റെ വീഴചയാണെന്നാണ് കെഎസ്ഇബി ആരോപിക്കുന്നത്. എന്നാൽ കെഎസ്ഇബി അറ്റകുറ്റപ്പണി പൂർത്തിയാകാത്തതാണ് കാരണമെന്ന് ആശുപത്രി അധികൃതരും ആരോപിക്കുന്നു .സംഭവത്തിൽ പ്രതിഷേധം കടുത്തതിന് പിന്നാലെയാണ് അന്വേഷണത്തിന് ഉത്തരവിട്ടത് .
