പത്തനംതിട്ട: പത്തനംതിട്ട, കൊല്ലം കോട്ടയം ജില്ലകളിൽ സ്വകാര്യ ബസുകൾ ജൂലായ് 8-ന് സർവീസ് നടത്തില്ല. കെ എസ് ആർ ടി സി യുടെ പ്രിയദർശിനി സർവ്വീസുകൾ കൂടുതൽ ബാധിക്കുന്ന കൊല്ലം, പത്തനംതിട്ട, കോട്ടയം ജില്ലകളിലെ ബസുകൾ സർവ്വീസ് നിർത്തിവച്ച് ബസുടമകളും ജീവനക്കാരും ജില്ലാ കലക്ട്രേറ്റുകളിലേക്ക് ജൂലൈ 8 ന് മാർച്ചും ധർണ്ണയും നടത്തും.
പത്തനംതിട്ടയിൽ 8 ന് രാവിലെ 10 മണിക്ക് പത്തനംതിട്ട സ്വകാര്യ ബസ് സ്റ്റാൻഡിൽ നിന്നും ആരംഭിക്കുന്ന മാർച്ച് കലക്ട്രേറ്റ് പടിക്കൽ എത്തി ധർണ ആരംഭിക്കും. ഈ വിഷയങ്ങൾ സംബന്ധിച്ച് സംയുക്ത ട്രേഡ് യൂണിയനുകളും ബസ് ഉടമ സംഘടനകളും ചേർന്ന് നടത്തിയ യോഗത്തിൽ ബസ് ഓപ്പറേറ്റേഴ്‌സ് അസോസിയേഷൻ ജില്ലാ സെക്രട്ടറി ലാലു മാത്യു അദ്ധ്യക്ഷത വഹിച്ചു.
സി.ഐ.ടി.യു നേതാവ് കെ.പി. ഉദയഭാനു, ജില്ലാ സെക്രട്ടറി.പി. ബി. ഹർഷകുമാർ, ബസ് ഫെഡറേഷൻ സംസ്ഥാന സെക്രട്ടറി കെ.കെ സുരേന്ദ്രൻ, ജില്ലാ പ്രസിഡൻ്റ് അഡ്വ. ആർ മനു, ബി.എം.എസ് ജില്ലാ സെക്രട്ടറി രഘു നാഥ് എ.എസ്, പ്രസിഡൻ്റ് . പി. എസ്. ശശി, ഐ.എൻ.ടി.യു.സി ജില്ലാ പ്രസിഡൻ്റ് പി. കെ. ഗോപി, ബസ് ഓപ്പറേറ്റേഴ്‌സ് ജില്ലാ പ്രസിഡൻ്റ് ആർ. ഷാജികുമാർ തുടങ്ങിയവർ പങ്കെടുത്തു.
