കോഴിക്കോട് : ബേപ്പൂരിൽ പി.വി.അൻവർ യുഡിഎഫ് സ്ഥാനാർഥിയായി മത്സരിക്കും .കെപിസിസി അധ്യക്ഷൻ സണ്ണി ജോസഫ് ഇക്കാര്യം സ്ഥിരീകരിച്ചു .അൻവർ ബേപ്പൂരിൽ ജയിച്ച് എംഎൽഎ ആവുമെന്നും സണ്ണി ജോസഫ് പറഞ്ഞു.
അൻവറിന്റെ നേതൃത്വത്തിലുള്ള തൃണമൂൽ കോൺഗ്രസ് യുഡിഎഫ് അസോസിയേറ്റ് അംഗമാണ് .കഴിഞ്ഞ ദിവസം മുതൽ ബേപ്പൂരിൽ ഫ്ളക്സും ബോർഡുകളും സ്ഥാപിച്ച് അൻവർ മണ്ഡലത്തിൽ സജീവമായിരുന്നു. മണ്ഡലത്തിലെ സിറ്റിങ് എംഎൽഎയും മന്ത്രിയുമായ മുഹമ്മദ് റിയാസിനെതിരെ അൻവർ കടുത്ത വിമർശനങ്ങൾ ഉന്നയിക്കുകയും ചെയ്തിരുന്നു.
