തിരുവല്ല: മുൻ പ്രതിപക്ഷ നേതാവ് രമേശ് ചെന്നിത്തലയുടെ ഗാന്ധിഗ്രാമം പരിപാടി തിരുവല്ല പെരിങ്ങര പഞ്ചായത്തിലെ മുണ്ടപ്പള്ളി കോളനിയിൽ ജനുവരി 1 ന് നടക്കും.ആദിവാസി-പട്ടികജാതി കോളനികളിൽ അധിവസിക്കുന്നവരുടെ പ്രശ്നങ്ങൾ നേരിട്ടു മനസ്സിലാക്കുന്നതിനും അവ സർക്കാരിന്റെ ശ്രദ്ധയിൽപ്പെടുത്തുന്നതിനുമായി രമേശ് ചെന്നിത്തല 2011 ൽ ആരംഭിച്ചതാണ് ഗാന്ധിഗ്രാമം പരിപാടി.
രാവിലെ എട്ടു മണിക്ക് കോളനിയിലെത്തുന്ന അദ്ദേഹം ആദിവാസി സമൂഹത്തിന്റെ പ്രശ്നങ്ങള്‍ നേരിട്ട് കേള്‍ക്കുകയും അവയെല്ലാം സര്‍ക്കാരിന്റെ ശ്രദ്ധയില്‍പ്പെടുത്താനുള്ള നടപടികള്‍ സ്വീകരിക്കും. തുടർന്ന് പുതുവർഷാരംഭം മുണ്ടപ്പള്ളി കോളനി നിവാസികളുമൊത്ത് ആഘോഷിക്കും. പ്രൊഫ. സതീഷ് കൊച്ചുപറമ്പിൽ ചെയർമാനായും വർഗ്ഗീസ് മാമ്മൻ ജനറൽ കൺവീനറായും ഈപ്പൻ കുര്യൻ കൺവീനറായും റോജി കാട്ടാശ്ശേരി ചീഫ് കോർഡിനേറ്ററുമായ സംഘാടക സമിതി രൂപീകരിച്ചു.
