കാബൂൾ : പാക്-അഫ്ഗാൻ സംഘർഷം രൂക്ഷമാകുന്നതിനിടയിൽ പാക്കിസ്ഥാനിലെ പ്രധാന കേന്ദ്രങ്ങളെ ലക്ഷ്യമിട്ട് ചാവേർ സംഘങ്ങളെ ഒരുക്കിയിട്ടുണ്ടെന്ന് താലിബാൻ. പാകിസ്താന്റെ ആക്രമണത്തിന് പിന്നാലെ അഫ്ഗാനിസ്താനിൽ നിന്നുള്ള ‘ബക്ഥർ ന്യൂസ് ഏജൻസി’യാണ് താലിബാന്റെ ചാവേർപ്പടയുടെ ചിത്രം പുറത്തുവിട്ടത്.
പാക്ക് – അഫ്ഗാൻ അതിർത്തി മേഖലയിലെ പഖ്ത്തിയ,ഖോസ്ത് പ്രദേശങ്ങളിൽ ശക്തമായ തിരിച്ചടിക്ക് ഒരുങ്ങുകയാണെന്ന് താലിബാൻ വക്താവ് അറിയിച്ചു .അതേസമയം, ഏത് ആക്രമണ ശ്രമത്തെയും പാക് സൈന്യം തകർത്തുകളയുമെന്ന് പാക് പ്രധാനമന്ത്രി മുന്നറിയിപ്പ് നൽകി.ഇരു രാജ്യങ്ങൾ തമ്മിലുള്ള സംഘർഷത്തിൽ പ്രശ്‌നപരിഹാരത്തിന് സഹായം വാഗ്ദാനംചെയ്ത് ഇറാൻ രംഗത്തെത്തിയിട്ടുണ്ട്.
