ശബരിമല : ശബരിമല സ്വർണക്കൊള്ളക്കേസിൽ എസ്ഐടി സന്നിധാനത്തെത്തി പരിശോധന നടത്തുന്നു .ശ്രീകോവിലിന് ചുറ്റുമുള്ള ഭാഗമാണ് സംഘം പരിശോധിക്കുന്നത്. ശ്രീകോവിലിന് പിന്‍ഭാഗത്തെ സ്വര്‍ണപാളിയില്‍ നിന്നടക്കം സാമ്പിള്‍ ശേഖരിച്ചു.പ്രത്യേകം തയാറാക്കിയ മുറിയിലാണ് പരിശോധന നടക്കുന്നത്.കൂടുതൽ പരിശോധനയ്ക്ക് ഹൈക്കോടതി അനുമതി നൽകിയതിനെ തുടർന്നാണ് എസ്ഐടി സന്നിധാനത്ത് എത്തിയത് .ഇന്നും നാളെയുമായിട്ടാണ് പരിശോധന.
അതേസമയം, ശബരിമല സ്വർണ്ണക്കൊള്ളയിൽ തിരുവാഭരണം മുൻ കമ്മീഷണർ കെ.എസ് ബൈജുവിന് കൊല്ലം വിജിലൻസ് കോടതി ജാമ്യം അനുവദിച്ചു . 90 ദിവസത്തെ റിമാൻഡ് പൂർത്തിയായതിന് പിന്നാലെ സമർപ്പിച്ച ഹർജിയിലാണ് കോടതി സ്വാഭാവിക ജാമ്യം നൽകിയത്.
