കൊച്ചി : കളമശ്ശേരി ബലാത്സംഗ കേസില്‍ അതിജീവിതയുടെ മൊഴി പുറത്ത്.അമ്മു എന്നറിയപ്പെടുന്ന ശരണ്യ ഉള്‍പ്പെടെയുള്ളവര്‍ തന്നെ ലൈംഗികമായി പീഡിപ്പിച്ചതായി യുവതി മൊഴി നല്‍കി.ഏറ്റവും കൂടുതല്‍ ഉപദ്രവിച്ചത് ശരണ്യയാണെന്നാണ് യുവതി മൊഴി നല്‍കിയതെന്ന് അന്വേഷണ സംഘം അറിയിച്ചു.അറസ്റ്റിലായ സഞ്ജു കൂട്ടബലാത്സംഗത്തിന് കാവല്‍ നിന്നെന്നാണ് അന്വേഷണ സംഘത്തിന്റെ കണ്ടെത്തല്‍.
കേസിൽ അറസ്റ്റിലായ ശ്രീരാജ്, ജിത്തു മാർട്ടിൻ, ശരണ്യ, സഞ്ജു എന്നീ നാലു പ്രതികളെയും അതിജീവിത തിരിച്ചറിഞ്ഞു.ഗുരുതരമായ കുറ്റകൃത്യമാണ് നടന്നിട്ടുള്ളതെന്നും ജോലിക്കായി പുറമേ നിന്നെത്തുന്ന യുവതികളെ വലയിൽ കുരുക്കുന്ന റാക്കറ്റിന്റെ ഭാഗമാണോ ഇവരെന്നു സംശയമുണ്ടെന്നും പോലീസ് അറിയിച്ചു .പ്രതികളുടെ സെക്‌സ് റാക്കറ്റ്, ലഹരി , ഗുണ്ടാ ബന്ധം ഉൾപ്പെടെയുള്ള കാര്യങ്ങളും അന്വേഷിക്കുന്നുണ്ട്.
