തിരുവല്ല: കുറ്റൂർ ഗ്രാമപഞ്ചായത്ത് തല സ്കൂൾ പ്രവേശനോത്സവം പാണ്ടിശ്ശേരി ഭാഗം ഗവൺമെന്റ് എൽ പി സ്കൂളിൽ നടന്നു. തൊപ്പിധരിച്ചും അക്ഷരമാലകൾ ഉയർത്തിപ്പിടിച്ചും ആലിലയിൽ വിദ്യാർത്ഥികളുടെ പേര് കൊത്തിയ ഹാരവും അണിഞ്ഞാണ് ഒന്നാം ക്ലാസിലേക്ക് പുതുതായി കടന്നുവന്ന വിദ്യാർത്ഥികൾക്ക് രണ്ടാം ക്ലാസിലെ വിദ്യാർത്ഥികൾ ഫലവൃക്ഷത്തൈകൾ നൽകിയാണ് സ്വീകരിച്ചത്. വിദ്യാർത്ഥികൾ സ്വന്തമായി തയ്യാറാക്കിയ ഡയറി കുറിപ്പുകളുടെയും മാഗസിനുകളുടെ പ്രകാശനവും ഇതോടൊപ്പം നടന്നു.
പഞ്ചായത്ത് തല ഉദ്ഘാടനം ഗ്രാമപഞ്ചായത്ത് പ്രസിഡണ്ട് അനുരാധ സുരേഷ് ഉദ്ഘാടനം ചെയ്തു. വാർഡ് മെമ്പർ സാറാമ്മ കെ വർഗീസ് അധ്യക്ഷ വഹിച്ചു.
ഗ്രാമ പഞ്ചായത്ത് മെമ്പർമാരായ എൻ ടി എബ്രഹാം, ജോ ഇലഞ്ഞിമൂട്ടിൽ, ശ്രീവല്ലഭൻ നായർ, ടി കെ പ്രസന്നകുമാർ, പ്രധാന അധ്യാപിക സുജാ ജോൺ, സി ആർ സി കോഡിനേറ്റർ സുമാദേവി, സതി കെ എ, വി ആർ രാജേഷ്,പി ഐ ഐസക്, ടി കെ സുകുമാരൻ, വിഎം അശോക് കുമാർ, വി എം ദിലീപ് കുമാർ, അധ്യാപകരായ ശ്രീജ ടി ആർ, ജസ്റ്റിൻ രാജ് ടി, ലേഖ എ, സംതൃപ്തി വി നായര്‍, സീമ രതീഷ് എന്നിവർ പ്രസംഗിച്ചു.
