ചങ്ങനാശ്ശേരി : മദ്യലഹരിയിൽ പതിനെട്ടുകാരൻ ഓടിച്ച കാറിടിച്ച് ഒട്ടേറെപ്പേർക്ക് പരുക്ക്.പായിപ്പാട് മുതൽ തെങ്ങണ കണ്ണവട്ട വരെയാണ് മദ്യലഹരിയിൽ പതിനെട്ടുകാരൻ അമിതവേഗത്തിൽ പാഞ്ഞത്.തിരുവല്ല സ്വദേശിയായ ഗോകുൽ ബിനു (18) ആണ് പ്രതി.
ഇന്നലെ വൈകിട്ട് ആറരയോടെയാണ് സംഭവം.അമിതവേഗതയിൽ പാഞ്ഞെത്തിയ കാർ റോഡിലുണ്ടായിരുന്ന നിരവധി വാഹനങ്ങളെ ഇടിച്ചുതെറിപ്പിക്കുകയായിരുന്നു. ഓട്ടത്തിനിടയിൽ കാറിന്റെ ടയർ പൊട്ടി. അപകടമുണ്ടാക്കിയ ശേഷം നിർത്താതെ പോയ കാറിനെ നാട്ടുകാർ പിന്തുടർന്ന് പിടികൂടുകയും തൃക്കൊടിത്താനം സ്റ്റേഷനിലെത്തിക്കുകയായിരുന്നു.
