കൊച്ചി : മോഡലിങ്ങിന്റെ മറവിൽ യുവതിയെ ദുബായിലെത്തിച്ച് ലൈംഗിക പീഡനത്തിന് ഇരയാക്കിയ കേസിൽ രണ്ട് യുവതികൾ പിടിയിൽ. കൊച്ചിയിലെ മോഡൽ അലീന,സിന്ധു എന്നിവരാണ് അറസ്റ്റിലായത് .സിന്ധുവിനെ മുംബയിൽ നിന്നാണ് പിടികൂടിയത് .
പരാതിക്കാരിയെ മോഡലിങ്ങിന്റെ മറവിൽ വിദേശത്ത് എത്തിച്ച് പല‍ർക്കും കൈമാറിയെന്നാണ് കേസ് .സമാനമായ രീതിയിൽ നിരവധി മോഡലുകളെ വിദേശത്ത് എത്തിച്ചിട്ടുണ്ട്. നിലവിൽ മൂന്ന് പരാതികളാണ് ലഭിച്ചത്. പെൺകുട്ടികളെ വിദേശത്തേക്ക് കടത്താൻ വൻ റാക്കറ്റ് തന്നെ പ്രവർത്തിച്ചിരുന്നതായി പൊലീസ് കണ്ടെത്തി.
അലീനയാണ് മോഡലുകളെ ഫാഷൻ ഷോയിൽ പങ്കെടുപ്പിക്കാൻ എന്ന വ്യാജനേ ദുബായിൽ എത്തിച്ചത്.ദുബായിൽ എത്തിച്ച് ലഹരി നൽകി പീഡിപ്പിച്ചെന്നും ദൃശ്യങ്ങൾ പകർത്തി ഭീഷണിപ്പെടുത്തി പീഡനം തുടർന്നെന്നുമാണ് എഫ്ഐആറിൽ പറയുന്നത്.കേസുമായി ബന്ധപ്പെട്ട് കൂടുതൽ പ്രതികളുണ്ടെന്നും അലീന നേരത്തെയും ക്രിമിനൽ കേസിൽ ഉൾപ്പെട്ട പ്രതിയാണെന്നും പൊലീസ് അറിയിച്ചു.
