കോഴിക്കോട്: ഓൾ ഇന്ത്യ മലയാളി അസോസിയേഷന്റെ എയ്മ അക്ഷര മുദ്ര പുരസ്കാരം ശ്രീകുമാരൻ തമ്പിക്ക്. 50,000 രൂപയും പ്രശസ്തി പത്രവും ശിൽപവുമാണ് പുരസ്കാരം. സാഹിത്യ, ചലചിത്ര മേഖലകളിലെ സമഗ്ര സംഭാവന പരിഗണിച്ചാണ് പുരസ്കാരമെന്ന് സംഘാടകർ അറിയിച്ചു.
ജൂലൈ 12, 13 തീയതികളിൽ കോഴിക്കോട് നടക്കുന്ന ദേശീയ സമ്മേളനത്തിൽ പുരസ്കാരം സമ്മാനിക്കും. കലവൂർ രവികുമാർ, ഡോ. ആർ.വി.എം. ദിവാകരൻ, ഡോ. ടി.വി. സുനീത എന്നിവരടങ്ങിയ ജൂറിയാണ് അവാർഡ് ജേതാവിനെ നിർണയിച്ചത്.
