പ്രവേശനോത്സവം നടന്നു

തിരുവല്ല : നെടുമ്പ്രം ഗ്രാമപഞ്ചായത്ത് പ്രവേശനോത്സവം ഗവൺമെൻറ് എൽ പി സ്കൂൾ പൊടിയാടിയിൽ വച്ച് നടന്നു . ദീപം തെളിയിച്ചും വർണ തൊപ്പികൾ അണിയിച്ചും സ്നേഹ സമ്മാനങ്ങൾ നൽകിയും , മധുര വിതരണം ചെയ്തുകൊണ്ട് നവാഗതരെ വരവേറ്റു . പിടിഎ പ്രസിഡണ്ട് ആശയുടെ അധ്യക്ഷതയിൽ കൂടിയ യോഗം ഗ്രാമപഞ്ചായത്ത് പ്രസിഡൻറ് പ്രസന്ന കുമാരി ടീച്ചർ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റിയുടെ ചെയർപേഴ്സൺ പ്രീതി മോൾ ജെ, പഞ്ചായത്ത് വൈസ് പ്രസിഡൻറ് ശൈലേഷ് കുമാർ , വാർഡ് മെമ്പർമാരായ വൈശാഖ് പി, മായാദേവി , തോമസ് ബേബി , പ്രധാന അധ്യാപിക ഷെറി ജോൺസൺ , അമ്മിണി ടീച്ചർ എന്നിവർ യോഗത്തിൽ ആശംസകൾ അറിയിച്ചു.