തിരുവനന്തപുരം: പരിഗണനയിലിരുന്ന എല്ലാ ബില്ലുകളിലും ഗവര്ണര് ആരിഫ് മുഹമ്മദ് ഖാൻ ഒപ്പിട്ടു. ഭൂപതിവ് നിയമ ഭേദഗതി ബിൽ, നെൽ വയൽ നീർത്തട നിയമ ഭേദഗതി ബിൽ, ക്ഷീരസഹകരണ ബിൽ, സഹകരണ നിയമ ഭേദഗതി ബിൽ, അബ്കാരി നിയമ ഭേദഗതി ബിൽ എന്നീ ബില്ലുകളിലാണ് ഒപ്പ് വച്ചിരിക്കുന്നത്. ബില്ലുകള് പാസാക്കുന്നില്ലെന്നത് കാട്ടി സിപിഎം ഗവര്ണര്ക്ക് എതിരെ സമരം നടത്തിയിരുന്നു.
കൂട്ടത്തിൽ ഏറ്റവും പ്രധാനപ്പെട്ട ബില്ലായ ഭൂപതിവ് നിയമ ഭേദഗതിയുമായി ബന്ധപ്പെട്ട് ഗവർണർക്ക് പരാതികൾ ലഭിച്ചിരുന്നു.ഇത് സർക്കാരിന് അയക്കുകയും ചീഫ് സെക്രട്ടറി വിഷയത്തിൽ വിശദമായ മറുപടി നൽകുകയും ചെയ്തിരുന്നു .ഇത് പാസ്സാക്കാത്തതിൽ സിപിഎം കടുത്ത വിമർശനമാണ് ഉന്നയിച്ചത്. പ്രതിപക്ഷവും ഇതിനെതിരെ ശബ്ദമുയര്ത്തിയിരുന്നു.
