ബാങ്കോക്കിലെ ബാറിൽ തീപിടിത്തം: 27 മരണം

ബാങ്കോക്ക് : തായ്‌ലന്‍ഡിലെ ബാങ്കോക്കില്‍ ബാറിൽ ഉണ്ടായ തീപിടിത്തത്തില്‍ 27 പേര്‍ മരിച്ചു. അറുപതില്‍ അധികം പേര്‍ക്ക് പരിക്കേറ്റിട്ടുണ്ട്.ഇതിൽ 22 പേർ അതീവ ഗുരുതരാവസ്ഥയിലാണ് .ബാങ്കോക്കിലെ ചാടുചക് ജില്ലയിലുള്ള റോങ് ബീയര്‍ നാലാത് പ്രാവോ എന്ന ബാറിൽ തിങ്കളാഴ്ച്ച പുലര്‍ച്ചെയായിരുന്നു അപകടം.മൃതദേഹങ്ങളിൽ ഭൂരിഭാഗവും പിൻഭാഗത്തെ ടോയ്ലറ്റിൽ നിന്നാണ് കണ്ടെത്തിയതെന്ന് അധികൃതർ അറിയിച്ചു.രക്ഷപ്പെടാൻ ശ്രമിച്ചവരാകാം ഇവരെന്നാണ് നിഗമനം. തീപിടിത്തത്തിന്റെ കാരണം വ്യക്തമല്ലെന്നും അന്വേഷണം തുടരുകയാണെന്നും അധികൃതർ അറിയിച്ചു.