തിരുവല്ല: അനധികൃതമായി എം സാൻഡ് കടത്തിയ ടിപ്പർ ലോറി പുളിക്കീഴ് പോലീസ് പിടികൂടി. തിരുവല്ല – അമ്പലപ്പുഴ റോഡിൽ വാഹന പരിശോധനയ്ക്കിടെ നെടുമ്പ്രം മണക്ക് ആശുപത്രിക്ക് സമീപം ഇന്ന് രാവിലെ 11 ഓടെ എസ് ഐ കെ സുരേന്ദ്രന്റെ നേതൃത്വത്തിലാണ് ലോറി പിടികൂടിയത്.
ടിപ്പർ ഓടിച്ച ആലപ്പുഴ എണ്ണക്കാട് ബുധനൂർ കടമ്പൂർ തൃപ്പിലിത്തറ വീട്ടിൽ ഉണ്ണികൃഷ്ണനെ ചോദ്യം ചെയ്തപ്പോൾ എം സാൻഡ് കൊണ്ടുപോകാനുള്ള നിയമപരമായ പാസ്സോ അനുമതിയോ ഇല്ലായിരുന്നു. ലോറി പോലീസ് സ്റ്റേഷനിലേക്ക് മാറ്റി. തുടർന്ന് ജിയോളജി വകുപ്പിന് കൈമാറി.
