വാഷിംഗ്‌ടൺ : യുഎസ്–ഇറാൻ താൽക്കാലിക വെടിനിർത്തൽ നാളെ അവസാനിക്കാനിരിക്കെ സമാധാന ചർച്ചയുടെ കാര്യത്തിൽ അനിശ്ചിതത്വം. ഇസ്ലാമബാദിൽ നടക്കുന്ന ചർച്ചയ്ക്കായി അമേരിക്കൻ സംഘം എത്തുമെന്ന് ട്രംപ് അറിയിച്ചെങ്കിലും ഇറാൻ ഇതു വരെ തയ്യാറായിട്ടില്ല.
അടുത്ത ഘട്ട ചർച്ചകളെക്കുറിച്ച് നിലവിൽ പദ്ധതിയോ തീരുമാനമോ ഇല്ലെന്ന് ഇറാൻ വിദേശകാര്യ വക്താവ് പറഞ്ഞു.വെടിനിർത്തലിന് ഇടയിലും ഇറാന്‍റെ കപ്പലുകൾക്ക് അമേരിക്ക നാവിക ഉപരോധം ഏർപ്പെടുത്തിയതാണ് ഇറാനെ ചൊടിപ്പിച്ചത്. ഹോർമുസിലെ യുഎസ് നാവികസേനയുടെ ഉപരോധം പിൻവലിപ്പിക്കാൻ സമ്മർദം ചെലുത്തി ഇറാനെ ചർച്ചയ്ക്കെത്തിക്കാൻ പാക്കിസ്ഥാൻ ശ്രമിക്കുന്നുണ്ട്.
