വാഷിംഗ്‌ടൺ : റഷ്യൻ ഉപരോധ ബിൽ യുഎസ് സെനറ്റ് പാസാക്കി.ഇന്ത്യയും ചൈനയും ഉൾപ്പെടെ റഷ്യയിൽ നിന്നുള്ള എണ്ണയോ പ്രകൃതിവാതകമോ വാങ്ങുന്ന ലോകത്തിലെ ഏറ്റവും വലിയ അഞ്ച് രാജ്യങ്ങൾക്ക് 100% തീരുവ ചുമത്താൻ പ്രസിഡന്റ് ഡൊണാൾഡ് ട്രംപിനെ അനുവദിക്കുന്ന ബില്ലാണ് യുഎസ് സെനറ്റ് അംഗീകരിച്ചത് .
സ്ലൊവാക്കിയ, ഹംഗറി, അസർബൈജാൻ എന്നിവയാണ് മറ്റ് 3 രാജ്യങ്ങൾ.പുടിൻ , മുതിർന്ന റഷ്യൻ രാഷ്‌ട്രീയ, സൈനിക നേതാക്കൾ, റഷ്യൻ ധനകാര്യ സ്ഥാപനങ്ങൾ, റഷ്യൻ ഊർജ്ജ പദ്ധതികൾ എന്നിവയ്‌ക്കെതിരായ ഉപരോധങ്ങളും നിയമനിർമ്മാണത്തിൽ ഉൾപ്പെടുന്നു. ഭരണ-പ്രതിപക്ഷ പാർട്ടികൾ ഒരുമിച്ച് കൊണ്ടുവന്ന ബിൽ ട്രംപ് ഒപ്പുവച്ചാൽ യാഥാർഥ്യമാകും.
