തിരുവല്ല : നെടുമ്പ്രം ഗ്രാമപഞ്ചായത്തിൽ വിബിജി റാം ജി തൊഴിലുറപ്പ് പദ്ധതിയുടെ പഞ്ചായത്ത് തല ഉദ്ഘാടനം ഗ്രാമപഞ്ചായത്ത് പ്രസിഡൻ്റ് കെ. ബാലചന്ദ്രൻ നിർവഹിച്ചു. ചടങ്ങിൽ ഗ്രാമപഞ്ചായത്ത് അംഗങ്ങളായ മായാദേവി, ഇന്ദു , വൈശാഖ് പി ,ക്ഷേമകാര്യ സ്റ്റാൻഡിങ് കമ്മിറ്റിയുടെ ചെയർപേഴ്സൺ മിനി സജി, ഗ്രാമപഞ്ചായത്തിന്റെ വൈസ് പ്രസിഡൻറ് സുജിത, തൊഴിലുറപ്പ് ഉദ്യോഗസ്ഥർ, തൊഴിലുറപ്പ് തൊഴിലാളികൾ, കുടുംബശ്രീ പ്രവർത്തകർ, പൊതുജനങ്ങൾ എന്നിവർ പങ്കെടുത്തു.
ഗ്രാമപ്രദേശങ്ങളിലെ തൊഴിലവസരങ്ങൾ ശക്തിപ്പെടുത്തുക,തൊഴിലാളികൾക്ക് കൂടുതൽ കാര്യക്ഷമമായ സേവനങ്ങൾ ഉറപ്പാക്കുക, പദ്ധതിയുടെ പ്രവർത്തനങ്ങൾ കൂടുതൽ സുതാര്യവും ജനകീയവുമാക്കുക എന്നീ ലക്ഷ്യങ്ങളോടെയാണ് VB-GRAM G പദ്ധതി നടപ്പിലാക്കുന്നത്.ഉദ്ഘാടന ചടങ്ങിൽ പദ്ധതിയുടെ പ്രവർത്തനരീതി വിശദീകരിക്കുകയും തൊഴിലാളികൾക്ക് ആവശ്യമായ നിർദേശങ്ങൾ നൽകുകയും ചെയ്തു.
