Sunday, November 22, 2026
No menu items!

subscribe-youtube-channel

HomeNewsഎം.സി. റോഡ്...

എം.സി. റോഡ് നാലുവരിയാക്കൽ : 5000 കോടിയിലേറെ ചെലവ്; സാധ്യതാപഠനം പുരോഗമിക്കുന്നു

തിരുവല്ല : സംസ്ഥാനത്തെ പ്രധാന പാതകളിലൊന്നായ എം.സി. റോഡ് നാലുവരിപ്പാതയാക്കുന്നതിനുള്ള നടപടികൾക്ക് വേഗം കൂട്ടുന്നു. പദ്ധതിക്കായി 5000 കോടി രൂപയിലധികം ചെലവ് വരുമെന്നാണ് പ്രാഥമിക കണക്ക്. ഏകദേശം 100 ഹെക്ടർ സ്വകാര്യഭൂമി ഏറ്റെടുക്കേണ്ടിവരുമെന്നും പൊതുമരാമത്ത് മന്ത്രി പി.കെ. ബഷീർ നിയമസഭയിൽ അറിയിച്ചു.

റോഡ് വികസനത്തിനായുള്ള കരട് അലൈൻമെന്റ് തയ്യാറാക്കിയിട്ടുണ്ടെന്നും വിശദമായ പരിശോധനയും സാധ്യതാപഠനവും നടത്തി തുടർനടപടികൾ സ്വീകരിക്കുമെന്നും മന്ത്രി വ്യക്തമാക്കി.

എം.സി. റോഡ് കടന്നുപോകുന്ന നിയമസഭാ മണ്ഡലങ്ങളിലെ വികസന ആവശ്യങ്ങൾ പരിഗണിച്ചാണ് പദ്ധതി മുന്നോട്ടുകൊണ്ടുപോകുന്നത്. തിരുവനന്തപുരം മുതൽ അങ്കമാലി വരെയുള്ള എം.സി. റോഡിന്റെ വികസനം പൂർത്തിയാകുന്നതോടെ പ്രധാന നഗരങ്ങളിലെയും ജങ്ഷനുകളിലെയും ഗതാഗതത്തിരക്ക് കുറയ്ക്കാനും യാത്രാസൗകര്യം മെച്ചപ്പെടുത്താനും കഴിയുമെന്നാണ് പ്രതീക്ഷ.

എം.സി. റോഡ് നാലുവരിയാക്കുന്നതിന്റെ ഭാഗമായി മണ്ണന്തല മുതൽ ചെങ്ങന്നൂർ വരെയുള്ള ഭാഗത്തെ വികസനമാണ് നാല് ഘട്ടങ്ങളിലായി പരിഗണിക്കുന്നത്. ഇതിനാവശ്യമായ സർവേയും പരിശോധനകളും പൂർത്തിയാക്കിയിട്ടുണ്ട്. കരട് അലൈൻമെന്റും തയ്യാറാക്കിയിട്ടുണ്ട്. എന്നാൽ വിശദമായ പരിശോധനയ്ക്കും സാധ്യതാപഠനത്തിനും ശേഷമേ ഇതിന് അന്തിമ അംഗീകാരം നൽകാനാകൂ.

പദ്ധതിയുമായി ബന്ധപ്പെട്ട് എം.സി. റോഡ് കടന്നുപോകുന്ന നിയമസഭാ മണ്ഡലങ്ങളിലെ 18 എം.എൽ.എമാരുടെയും സ്പീക്കറുടെയും യോഗം ചേരാനും തീരുമാനിച്ചിട്ടുണ്ട്. വികസനത്തിന്റെ വിവിധ വശങ്ങൾ ചർച്ച ചെയ്ത് തുടർനടപടികൾക്ക് രൂപം നൽകുകയാണ് ലക്ഷ്യം

കേശവദാസപുരം മുതൽ അങ്കമാലി വരെയുള്ള എം.സി. റോഡും കൊല്ലം–ചെങ്കോട്ട റോഡും നാലുവരിയാക്കുന്നതിന് നേരത്തേ 1,500 കോടി രൂപയുടെ തത്ത്വത്തിലുള്ള ഭരണാനുമതിയാണ് നൽകിയിരുന്നത്. നിലവിലെ കണക്കനുസരിച്ച് ഭൂമി ഏറ്റെടുക്കലിനുതന്നെ 5,000 കോടി രൂപയിലധികം ചെലവ് വരുമെന്നാണ് വിലയിരുത്തൽ.
 

- Advertisment -

RELATED ARTICLES
Advertisment

Desham News

- Advertisement -

സ്ലീബാ ദാസ സമൂഹം മലങ്കര സഭയുടെ  സമ്പത്തും വെളിച്ചവും: മാർ ക്ലിമ്മീസ് വലിയ മെത്രാപ്പോലീത്താ

പരുമല: മലങ്കര ഓർത്തഡോക്സ് സുറിയാനി സഭയുടെ സ്ലീബാദാസ സമൂഹത്തിന്റെ ശതാബ്ദി സമാപന സമ്മേളനവും കുടുംബ സംഗമവും പരുമല സെമിനാരിൽ നടന്നു. കുറിയാക്കോസ് മാർ ക്ലിമ്മീസ് വലിയ മെത്രാപ്പോലീത്ത സമ്മേളനം ഉദ്ഘാടനം ചെയ്തു. മാർത്തോമ്മൻ ...

ചേർത്തലയിൽ മെഗാ തൊഴിൽമേള : സ്വകാര്യ സ്ഥാപനങ്ങളിൽ രണ്ടായിരത്തോളം ഒഴിവുകൾ

ആലപ്പുഴ: 50ല്‍ പരം സ്വകാര്യ സ്ഥാപനങ്ങളിലെ രണ്ടായിരത്തോളം ഒഴിവുകളിൽ നിയമനത്തിന് അവസരമൊരുക്കി ജൂലൈ 19 ന്  'പ്രയുക്തി 2025' മെഗാ തൊഴില്‍ മേള ചേർത്തലയിൽ സംഘടിപ്പിക്കും. ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്റര്‍, ചേർത്തല  എസ് എൻ...
- Advertisment -

Most Popular

- Advertisement -