കോട്ടയം: എം.സി. റോഡിൽ വെമ്പള്ളിയിൽ കാറും കണ്ടയ്നർ ലോറിയും കൂട്ടിയിടിച്ച് ഒരാൾ മരിച്ചു. വെമ്പള്ളി ജംഗ്ഷനു സമീപം ഇന്ന് ഉച്ചയ്ക്ക് 2 മണിയോടെയായിരുന്നു അപകടം. മൂവാറ്റുപുഴ സ്വദേശികളായ അമ്മയും മകനും സഞ്ചരിച്ച കാർ എതിർദിശയിൽ നിന്ന് വന്ന കണ്ടയ്നർ ലോറിയുമായി കൂട്ടിയിടിക്കുകയായിരുന്നു.
ഇടിയുടെ ആഘാതത്തിൽ മകൻ സംഭവസ്ഥലത്ത് തന്നെ മരിച്ചു. അമ്മയെ ഗുരുതര പരിക്കുകളോടെ കോട്ടയം കാരിത്താസ് ആശുപത്രിയിൽ പ്രവേശിപ്പിച്ചു. മരിച്ച ആളുടെ മൃതദേഹം ആശുപത്രി മോർച്ചറിയിലേക്ക് മാറ്റി. പോലീസ് മേൽനടപടികൾ സ്വീകരിച്ചു.
