പുണെയിൽ ഹെലികോപ്റ്റർ തകർന്നു 3 പേർ മരിച്ചു

പൂനെ : പുണെയിൽ ഹെലികോപ്റ്റർ തകർന്നു 3 പേർ മരിച്ചു. പുണെയിലെ ബവ്ധാൻ ബുദ്രുക്ക് പ്രദേശത്ത് ഇന്നു രാവിലെ 7.30നാണ് ഹെലികോപ്റ്റർ തകർന്നു വീണത്. ഓക്‌സ്‌ഫോർഡ് ഗോൾഫ് ക്ലബ്ബിൽ സ്ഥിതി ചെയ്യുന്ന ഹെലിപാഡിൽ നിന്നും പറന്നുയർന്ന് അഞ്ച് മിനിറ്റിനുള്ളിൽ ബാവ്ധാൻ മേഖലയിലെ കുന്നിൻ ചെരുവിലേക്ക് ഹെലികോപ്റ്റർ തകർന്ന് വീഴുകയായിരുന്നു. ഹെലികോപ്റ്റർ പൂർ‌ണമായും കത്തിനശിച്ചു. പൈലറ്റുമാരായ ഗിരീഷ് കുമാർ പിള്ള, പരംജിത് സിംഗ്, എൻജിനീയർ പ്രീതംചന്ദ് ഭരദ്വാജ് എന്നിവരാണ് മരിച്ചത്.