ന്യൂഡൽഹി : പശ്ചിമ ബംഗാൾ തിരഞ്ഞെടുപ്പിലെ വോട്ടെണ്ണലിന് പൊതുമേഖലാ സ്ഥാപനങ്ങളിലെ ജീവനക്കാരെ മാത്രം നിയോഗിച്ചതിനെതിരായ മമത ബാനെര്ജിയുടെ ഹർജി സുപ്രീംകോടതി തള്ളി.കേന്ദ്രസർക്കാർ ഉദ്യോഗസ്ഥരെ നിയമിച്ച തിരഞ്ഞെടുപ്പ് കമ്മിഷൻ നടപടി നിയമവിരുദ്ധമല്ലെന്ന് ചൂണ്ടിക്കാട്ടിയാണ് സുപ്രീംകോടതി ഹർജി തള്ളിയത്.
കേന്ദ്ര സർക്കാർ ജീവനക്കാർ തങ്ങൾക്കെതിരെ പ്രവർത്തിക്കുമെന്ന തൃണമൂൽ കോൺഗ്രസിന്റെ വാദം മിഥ്യാധാരണയാണെന്നും സർക്കാർ ജീവനക്കാർക്ക് കുറച്ചെങ്കിലും വിശ്വാസ്യത നൽകണമെന്നും സുപ്രീംകോടതി പറഞ്ഞു. തിരഞ്ഞെടുപ്പ് കമ്മിഷന്റെ നിർദേശിച്ചിരുന്നു. കേന്ദ്ര ജീവനക്കാരെ നിയമിച്ചത് നേരത്തെ കൽക്കട്ട ഹൈക്കോടതിയും ശരിവെച്ചിരുന്നു.
