കൊച്ചി : സാങ്കേതിക തകരാറു മൂലം കൊച്ചി മെട്രോ സർവീസ് തടസ്സപ്പെട്ടു. രാവിലെ 7.40ഓടു കൂടി തൃപ്പൂണിത്തുറയിൽ നിന്ന് ആലുവയ്ക്ക് പോകുന്ന ട്രെയിൻ എംജി റോഡ് സ്റ്റേഷന്‍ എത്തുന്നതിന് മുൻപാണ് തകരാറിലായത്.ബ്രേക്ക് തകരാറായതിനെ തുടർന്നായിരുന്നു ട്രെയിൻ വഴിയിൽ കുടുങ്ങിയത്.ഇതുമൂലം സർവീസുകൾ തടസപ്പെട്ടു.
മറ്റൊരു ട്രെയിൻ എത്തിച്ച് തകരാറിലായ ട്രെയിൻ കെട്ടിവലിച്ച് മുട്ടം സ്റ്റേഷനിലേക്ക് കൊണ്ടുപോയതോടെയാണ് മെട്രോ ഗതാഗതം സാധാരണനിലയിലായത്. 9.15ഓടെ തകരാർ പരിഹരിച്ച് മെട്രോ സർവീസ് സാധാരണഗതിയിലായതായി അധികൃതർ വ്യക്തമാക്കി.
