തിരുവല്ല : ശ്രീവല്ലഭ മഹാക്ഷേത്രത്തിൽ നിറപുത്തരി നടന്നു. ദേവസ്വം സബ്ഗ്രൂപ്പ് ഓഫീസർ അനിത ജീ നായരുടെ നേതൃത്വത്തിൽ ദേവസ്വം ജീവനകാരുടെയും ഉപദേശക സമിതിയും, ഭക്തജനങ്ങളുടെയും സഹകരണത്തോടെ പുലർച്ചെ 5:30 ന് ഗോവിന്ദൻ കുളങ്ങര ദേവി ക്ഷേത്രത്തിൽ നിന്നും നിറപുത്തരിക്കായി പ്രത്യേകം തയ്യാറാക്കിയ നെല്ല് കതിരുകൾ എതിരേൽപ്പോടെ ക്ഷേത്രത്തിൽ എത്തിച്ചു.
തുടർന്ന് ക്ഷേത്ര മേൽശാന്തിമാരായ ശ്രീകുമാർ ചൂരുർമഠം, രമേശ് വിഷ്ണു എന്നിവരുടെ കാർമ്മികത്വത്തിൽ പുജകൾ നടത്തി. നെല്ല്കതിരുകൾ ശ്രീവല്ലഭ സ്വാമിക്കും, സുദർശന മൂർത്തിക്കും സമർപ്പിച്ചതിന് ശേഷം ഭക്തർക്ക് വിതരണം ചെയ്യതു.
ക്ഷേത്ര ജീവനകാരയ ഗോപൻ, രാജേന്ദ്രൻ, പ്രവീൺ, ബിജു, അലേഷ്, അനി, ഉപദേശക സമിതി സെക്രട്ടറി, സനിൽകുമാർ, വൈസ് പ്രസിഡന്റ് ഷാബു, രാജശേഖരൻ എന്നിവർ നേതൃത്വം നൽകി.
