മല്ലപ്പള്ളി: കല്ലുപ്പാറയിൽ കെഎസ്ആർടിസി ബസുകൾ തമ്മിൽ കൂട്ടിയിടിച്ച് ഉണ്ടായ അപകടത്തിൽ യാത്രക്കാരായ നിരവധി പേർക്ക് പരിക്കേറ്റു. തോട്ടഭാഗം – മല്ലപ്പള്ളി റോഡിൽ കല്ലൂപ്പാറ ചന്തയ്ക്ക് സമീപം ഇന്ന് ഉച്ചയോടെ ആയിരുന്നു അപകടം. തിരുവല്ലായിൽ നിന്നും മല്ലപ്പള്ളിക്ക് പോയ കെ എസ് ആർ ടി സി വേണാട് ബസും എതിർദിശയിൽ വന്ന വേണാട് ബസും തമ്മിൽ കൂട്ടി ഇടിക്കുക ആയിരുന്നു. ഇടിയിൽ രണ്ട് ബസിൻ്റെയും മുൻഭാഗം തകർന്നു. ഓടി കൂടിയ നാട്ടുകാരും പോലീസും ചേർന്ന് പരിക്കേറ്റവരെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഉന്നത നിലവാരത്തിൽ ഉയർന്ന റോഡിൽ വാഹനങ്ങളുടെ അമിത വേഗതയാണ് അപകടത്തിന് കാരണമാകുന്നതെന്ന് നാട്ടുകാർ ആരോപിച്ചു.
