കോട്ടയം: അയ്മനം ഏനാദിയിൽ ലോറിയും കാറും കൂട്ടിയിടിച്ച് അപകടം. അപകടത്തിൽ ആർക്കും ഗുരുതര പരിക്കുകളില്ല. ഇന്ന് പുലർച്ചയോടെ ആയിരുന്നു അപകടം ഉണ്ടായത്. അറക്കപ്പൊടി കയറ്റി കോട്ടയത്തേക്ക് പോവുകയായിരുന്ന ലോറിയും കോട്ടയത്ത് നിന്ന് പരിപ്പ് ഭാഗത്തേക്ക് വരികയായിരുന്ന ഇന്നോവ കാറുമാണ് കൂട്ടിയിടിച്ചത്. അപകടത്തിൽ വാഹനങ്ങൾക്ക് കേടുപാടുകൾ സംഭവിച്ചിട്ടുണ്ട്.
അപകടം നടന്ന ഏനാദി പ്രദേശം അപകട സാധ്യത കൂടുതലുള്ള ഭാഗമാണെന്നാണ് പ്രദേശവാസികൾ പറഞ്ഞു. റോഡിന്റെ വീതി കുറവിനൊപ്പം മിനുസവും അപകടങ്ങക്ക് കാരണമാകുന്നു. വാഹനങ്ങൾ പലപ്പോഴും വേഗത്തിൽ സഞ്ചരിക്കുന്നതു അപകടസാധ്യത വർധിപ്പിക്കുന്നതായി നാട്ടുകാർ ആരോപിച്ചു.
