ആറന്മുള : സാംസ്കാരിക വകുപ്പിൻ്റെ വജ്രജൂബിലി ഫെലോഷിപ്പ് പദ്ധതിയുടെ ഭാഗമായി ആറന്മുളയിൽ വഞ്ചിപ്പാട്ട് പഠന കളരി സംഘടിപ്പിച്ചു. ആറന്മുള കിഴക്ക് പള്ളിയോട സേവാ സമിതിയുടെ നേതൃത്വത്തിൽ പന്തളം നഗരസഭാ പരിധിയിലെ 80 ൽപരം വിദ്യാർഥികൾക്ക് വഞ്ചിപ്പാട്ടിൽ പരിശീലനം നൽകി.
മധുസൂദനൻ നായർ, ഇടനാട് രാധാകൃഷ്ണൻ നായർ എന്നിവരുടെ ശിക്ഷണത്തിൽ അഭിരാം അശോകിൻ്റെ നേതൃത്വത്തിൽ ആറന്മുള പാർഥസാരഥി ക്ഷേത്രത്തിന്റെ കിഴക്കേ നടയിൽ വഞ്ചിപ്പാട്ട് അരങ്ങേറിയത്.
